ब्युटी न्युज नेपाल
काठमाडौं, १४ कात्तिक
अभिनेता पुष्प खड्का र अभिनेत्री पूजा शर्मा यतिबेला नयाँ म्युजिक भिडियोमा प्रस्तुत भएका छन् । उनीहरु चलचित्रमा पछिल्लो समय सँगै नदेखिए पनि भिडियोमा पनि आएका छन् । गायिका रानी शाक्य र गायक सुरेश लामाको स्वरमा रहेको नयाँ गीतमा यी जोडी प्रस्तुत भएका हुन् ।
रानी शाक्यको युट्युब च्यानलबाट यो गीत सार्वजनिक गरिएको हो । यो गीतमा अर्जुन पोखरेलले संगीत गरेका हुन् । पूजा र पुष्प यो गीतको भिडियोमा रोमान्टिक देखिएका छन् । भिडियोलाई माइकल चन्दले निर्देशन गरेका हुन् । माइकलले भिडियोमा दुई कलाकारको रोमान्स र डान्सलाई बढी प्राथमिकता दिएका छन् । उत्सव दाहालले छायांकन गरेको भिडियोलाई शिलन लम्सालले सम्पादन गरेका हुन् ।
