ब्युटी न्युज नेपाल
काठमाडौँ, १२ कात्तिक
यस अघि मुस्ताङमा आधा छायाँकन गरिएको चलचित्र ‘अन्तिम संस्कार’को बाँकी छायांकन पनि सम्पन्न भएको छ । यो चलचित्रको बाँकी ४० प्रतिसत छायाँकन काठमाडौंमा गर्दै इन्डक्लाप गरिएको निर्माण पक्षले जनाएको छ ।
यस अघि यो चलचित्रको मुस्ताङको जोमसोम, मार्फा, कागबेनी र मुक्तिनाथ क्षेत्रमा ६० प्रतिशत छायाँकन गरिएको निर्माता विनोद सुवेदी खत्री (टाटेमित) ले जानकारी दिए । झन्डै डेढ करोड लागतमा बनेको चलचित्रमा कलाकार विजय लामा, दिया पुन, रेश्मा घिमिरे सहित बिशाल पहाडी, कृष्णभक्त महर्जन,एवन राज उप्रेती, त्रिचु राई,श्याम राई,धर्मेन्द्र आचार्य ,सुरज खालिङ्ग राई,पासाङ्ग टि शेर्पा,सन्तोष लामा,सरोज कुमाल,अनु मगर,रेश्मा श्रेष्ठ,सस्मिता र दिग्गज लगायतको अभिनय रहेको छ।
सांस्कृतिक तथा सामाजिक कथाबस्तु समेटिएको चलचित्र अन्तिम संस्कारको पोस्ट प्रोडक्सनको कार्य लण्डनमा गरिने छ। चलचित्रको छायांकन बाबु श्रेष्ठले गरेका हुन् । निर्देशक शाहीको अन्तिम संस्कार दोस्रो फिल्म हो । उनको निर्देशनमा बनेको पहिलो फिल्म ‘गोर्खा बिनिथ द ब्रेभरी’प्रर्दशन भइसकेको छ । लामो समय देखि लन्डनमा बस्दै आएका शाहीले लन्डनबाट नै सिनेमा मेकिङ्ग सिकेर आएका हुन्।
