ब्युटी न्युज नेपाल
काठमाडौं, १७ साउन
चलचित्र ‘प्रकाश’ले प्रदर्शनको मिति नजिकिँदै गर्दा शिक्षकको बिशेषता वा महत्वबारे कविता प्रतियोगीता आह्वान गरेको छ ।
एक युवाले शिक्षक बन्न गर्ने संघर्षको कथा भएकाले शिक्षकको महत्व दर्शाउन कविता प्रतियोगिता आह्वान गरिएको निर्माता महेन्द्र अधिकारीले बताएका छन् ।
प्रतियोगीतामा सहभागी मध्येबाट प्रथम हुनेले रु एकलाख पुरस्कार पाउने छन् भने द्वितिय हुनेले रु ५० हजार पुरस्कार पाउनेछन् । नेपाली र अंग्रेजी दुबै भाषलाई मान्यता दिइएको कबिताको लम्बाई १ देखि साढे एक मिनेट सम्मको हुनुपर्नेछ । सहभागीले कबिताको भिडियो आफै बनाएर prakshthefilm @gmail.com मा पठाउन सक्नेछन् । प्रतियोगीता श्रावण २० गतेबाट शुरु भई भाद्र २० गते सम्म चल्नेछ ।
अधिकारीले दिएको जानकारी अनुसार प्रतियोगीतामा बिभिन्न कलेज तथा स्कूलका बिद्यार्थीहरुले सहभागीता जनाउन सक्नेछन् । सहभागीता जनाउनका लागि जुन कुनै कक्षामा अध्ययनरत् भएपनि १२ वर्ष पुरा भई १८ वर्ष ननाघेको हुनु पर्नेछ भने बढी कक्षा १२ अध्ययनरत् बिद्यार्थीले सहभागीता जनाउन सक्नेछन् ।
दिनेश राउतको निर्देशन रहेको चलचित्रमा प्रदिप खड्का, दिया मास्के, रेनु योगी, प्रकाश घिमिरे, निरज पन्थी, गोविन्द सुनुवार, रामबाबु रेग्मी, लोकेन्द्र लेखक, दिपेन्द्र शाहीलगायतका कलाकारको अभिनय रहेको छ । चलचित्रले शिक्षक बन्न एक युवाले गर्ने संघर्षको कथा भनेको छ । मुख्य पात्रका माध्यमबाट बर्गिय विभेदको कुरा पनि उठाइएको छ ।
बिकास सुबेदीको लेखन रहेको चलचित्रमा राजेश श्रेष्ठको छायाँकन, जीवन थापाको सम्पादन, सुवास भुषाल, दिपक शर्मा, तारा प्रकाश लिम्बु र एलिस कार्कीको संगीत, उत्तम न्यौपानेको साउण्ड डिजाइन र शैलेश श्रेष्ठको पाश्र्व संगीत रहेको छ । महेन्द्र अधिकारी निर्माता रहेको चलचित्रलाई आरआर फिल्मस्का रोहित कट्टेल र रत्न श्रेष्ठले वितरण गर्दैछन् ।
