ब्युटी न्युज नेपाल
काठमाडौं, २८ असार
चलचित्र ‘प्रपञ्च’को गीत रिलिज गरिएको छ । सोमबार राजधानीमा आयोजित एक कार्यक्रमका बीच सिनेमाको पहिलो गीत मुटुमा सास भर्ने…आधार रिलिज गरिएको छ । यो गीतको भिडियोमा सिनेमाका मुख्य कलाकार सुमन थापा र मेनुका माझीको प्रेमभाव समेटिएको छ । सिनेमाको गीत डिएआर मुभिजबाट सार्वजनिक गरिएको हो ।
सन्तोष प्रगाढको संगीत तथा दिनेश सुवेदीको शब्द रचना रहेको गीतमा शंकरलाल श्रेष्ठ र ऋद्धा दियालीको स्वर छ । सिनेमाको गीतमा तेञ्जु योन्जनको कोरियोग्राफी छ ।
बिएस बलामी निर्देशित यो चलचित्रलाई असोज २१ बाट रिलिज गरिने घोषणा निर्माण पक्षले कार्यक्रममा गरेको छ । प्रपञ्चलाई बद्री साह, अनिल गुीता र रवि राज आचार्यले निर्माण गरेकका हुन् । सिनेमाको कार्यकारी निर्मातामा शिवानी बलामी छिन् ।
सिनेमामा सिद्धार्थ सिंह, ध्रुव ककोइराला, पियुस मगर, मनिल तामाङ, प्रकृति केसी, जोश्ना सिमखडा, सिजन तिवारी लगायतका कलाकारको पनि अभिनय छ । सिनेमामा प्रकाश कुँवरको कथा, दिवस गुरुङको छायाँकन, देव मर्हजनको द्धन्द्व निर्देशन, प्रविन ढकालककोे सम्पादन रहेको छ । सन्तोष पराजुली प्रोडक्सन म्यानेजर रहेको सिनेमालाई आरआर फिल्मस्ले वितरण गर्दैछ ।
