ब्युटी न्युज नेपाल
काठमाडौं,२६ माघ
१ फागुनबाट सिनेमा हल खुल्ने भएपछि नेपाली चलचित्र रिलिजको तयारी हुँदैछन् । यसै क्रममा २७ फागुनबाट देशव्यापी रुपमा रिलिज हुने भनिएको नयाँ नेपाली फिल्म ‘आकाशे खेती’ को अफिसियल ट्रेलर सार्वजनिक भएको छ ।
यो चलचित्रलाई उदय सुव्वाको निर्देशन गरेका हुन् । सिनेमाका लेखक पनि उनी नै हुन् । चलचित्र आकाशे खेतीमा गौरव पहारी, नीता ढुंगाना, विल्सन बिक्रम राई, बुद्धि तामाङ, रमा लिम्बु, शिशिर वाङदेल, रबिन्द्र झा, जयनन्द लामा, लक्षु शर्मा, प्रकाश शर्मा, कृषा गुरुङ, अनुप याक्सो, रजनी गुरुङसहितका कलाकारको मुख्य भूमिका रहेको छ ।
यो फिल्मलाई केदार उप्रेती, जीवन सुव्वा, राजेन्द्र चोङवाङ र दिल प्रकाश याक्सोले निर्माण गरेका हुन् । चलचित्रमा बिक्रम डिसीको छायांकन, राजु किरातीका द्वन्द, रामजी लामिछाने र राजिवको नृत्य तथा सुजन बडालको सम्पादन रहेको छ । एसएस इन्टनेशनल फिल्मस् तथा तक्मे प्रोडक्सनको व्यानरमा निर्माण भएको यो चलचित्र प्रति आफु निकै आशाबादी रहेको निर्देशक सुब्बाले बताएका छन् ।
