ब्युटी न्युज नेपाल
काठमाडौँ, ५ भदौ
वरिष्ठ कलाकार शम्भुराज थापाको निधन भएको छ । कोरोना सङ्क्रमणका कारण तीन साता पहिले उपचारका लागि पाटन अस्पताल भर्ना भएका ५५ वर्षीय थापाको आज बिहान निधन भएको उनका परिवार जनले जानकारी गराएका छन् । स्व थापाका श्रीमती एक छोरा र एक छोरी छन् । स्व थापाको आजै पशुपति आर्यघाटमा अन्त्येष्टि गरिने भएको छ ।
तीन दशकदेखि कलाकारिता क्षेत्रमा सक्रिय थापाले थुप्रै टेलिसिरियल र चलचित्रमा अभिनय गरेका छन् । उनले पछिल्लो समय मेरी बास्सै, भद्रगोल, गोलमाल, हल्का रमाईलोलगायतका टेलिसिरियलमा अभियन गर्दै आएका थिए । उनले हल्का रमाइलो टेलिसिरियलमा ‘बखते’ को भूमिका निर्वाह गरेर चर्चा कमाउँदै आएका थिए ।
अभिनेता राजेश हमाल, गौरी मल्ललगायतको मुख्य भूमिका रहेको चलचित्र ‘आफ्नो विरानो’ को निर्माण समेत शम्भुराज थापाले गरेका थिए ।
