ब्युटी न्युज नेपाल
काठमाडौ, २९ फागुन ।
चलचित्र ‘कृष्ण–लीला’ फस्र्टलुक पोस्टर सार्वजनीक गरिएको छ । नयाँ बर्ष ०७८ को कोसेली स्वरुप चैत्र २७ मा प्रदर्शन हुने तयारीमा रहेको यो चलचित्रको पोष्टर यतीबेला सार्वजनिक गरिएको हो । यो चलचित्रको ‘कुनै दिन यस्तो पनि..’ र ‘डियर बन्न मन छ’ बोलका गीतहरु यसअघि सार्वजनिक भईसकेका छन् ।
फिल्मको फस्र्टलुकमा अभिनेता पुष्प खड्का भिन्न अबतारमा देखिएका छन् । दीपक ओली निर्देशीत फिल्मको सार्वजनीक पोस्टरले दर्शकमा कुतुहलता जगाएको छ । अभिनेता पुष्पलाई मात्र प्रस्तुत गरिएको पोस्टरमा एंग्री बर्डको टिर्सट लगाएका उनको हातमा डटपेनले कोरेको घडी देखिन्छ भने लहराले बनाएको चश्मा पहिरिएका छन् । उनको यो भिन्न ‘लुक’ र ‘गेटअप’ ले अहिले बजार तातेको छ । पुष्पको ‘लुक’ बारे निर्देशक ओलीको संक्षिप्त प्रतिक्रिया छ ।
रोहित कट्टेलको प्रस्तुति रहेको फिल्ममा पुष्पका साथमा बुद्धि तामाङ,रबिन्द्र झा,नवीन रेग्मी,हिउँवाला गौतम, भावना गुरुङ,आयुष गुराँगाई,आयुषा क्षेत्री,पिताम्बर आचार्यलगायतका कलाकारको अभिनय छ । आरआर फिल्म प्रोडक्डसनको ब्यानरमा निर्मित फिल्मको कार्यकारी निर्माता रत्न श्रेष्ठ हुन भने निर्मातामा प्रकाशराज कार्की र केवल तामाङ अनि सहनिर्मातामा पिताम्बर आचार्य र रोजन श्रेष्ठ छन् ।
आरआर फिल्म प्रोडक्सनले बितरण गर्ने फिल्म शिब ढकाल र बाबु श्रेष्ठ (एक गीत) ले खिचेका हुन् । इलाम, झापा र पाँचथरका बिभिन्न स्थानमा खिचिएको फिल्मको लेखन लक्ष्मण सुवेदी, द्धन्द्ध श्री श्रेष्ठ,संगीत अर्जुन पोखरेल र कोरियोग्राफी रामजी लामीछानेको छ । फिल्म अद्भुत प्रेमकथामा रहेको बुझ्नमा आएको छ ।
