ब्युटी न्युज नेपाल
काठमाडौं, २७ बैशाख
अभिनेत्री सुहाना थापाले बुढानिलकण्ठमा रहेका भगवान कृष्णको मन्दिरमा पुगेर त्यहाँ रहेका ७५ ओटा गाईलाई खाना खुवाएर आफ्नो जन्म दिन शुक्रबार मनाईन् । यस अघि उनले लक डाउनमा बाँदरलाई केरा खुवाएको भिडियो शेयर गरेकी थिईन् । निर्देशक एवम् अभिनेत्री झरना थापा र निर्माता सुनिल कुमार थापाकी छोरी सुहानाले चलचित्र ‘ए मेरो हजुर ३’बाट नायिकाको रुपमा डेब्यु गरेकी हुन् । उनी पछिल्लो समय नयाँ चलचित्र ए मेरो हजुर ४ मा अभिनयरत छिन् ।
आफु कृष्णभक्त भएका कारण उनले त्यहाँ पुगेर जन्मदिन मनाएकी हुन् । यी नायिकाले जन्मदिन सो कृष्ण मन्दिरमा मनाउन पाउँदा खुसी व्यक्त गरेकी छिन् । आमा झरना थापा र बुबा सुनिलकुमार थापासँग उनी त्यहाँ पुगेकी थिईन् ।
लकडाउनको बेला केही अभिनेत्रीहरुलाई मानिस भन्दा जनावर प्यारो भएका छन् । लक डाउनका कारण धेरै गरिब नेपालीहरु भोका छन् । त्यसैले अभिनेता अभिनेत्रीहरुले मानिसलाई सहयोग नगरेकोमा दर्शकले टिप्पणी गरेका छन् ।
हुन त यो अबस्थामा घर पालुवा जनावर पनि भोका नभएका हैनन् । उद्यपि सिने क्षेत्रकै कतीपय बिपन्नहरुले यस्तो बेलामा आफुहरुलाई पनि सहयोग गरिदिए हुन्थ्यो भनेर अपिल गरिरहेका छन् । सिमित सिनेकर्मी बाहेक अरुले यसतर्फ चासो देखाएका छैनन् । बरु बिदेशमा बसेका नेपाली सिनेकर्मीले उनीहरुलाई सहयोग पठाईरहेको छन् ।
यद्यपि अभिनेत्री सुहाना थापालाई जन्मदिनको शुभकामना ।
