ब्युटी न्युज नेपाल
काठमाडौं, ३० फागुन
चलचित्र ‘म यस्तो गीत गाउँछु २’को निर्माण टिमले प्रदर्शन मिति स्थगित गरेको छ । यता यो चलचित्रमा समावेश गीत ‘तिम्रो घरको वरिपरी…’लाई भने दर्शकले रुचाएका छन् ।
यो गीतले युटुबमा १ करोड भ्यूज बटुलेको छ । सार्वजनिक भएको २ महिनामा यो गीतले करोड भ्यूज पाएको हो । सामाजिक संजालमा समेत निकै हिट भएको यो गीतलाई करिब २ लाख लाइक समेत मिलेको छ ।
अर्जुन पोखरेलको शब्द तथा संगीतमा तयार भएको यो गीतमा सोनम तोप्देन र अस्मिता अधिकारीको स्वर छ । गीतको भिडियोमा चलचित्रका अभिनेत्री पूजा शर्मा र अभिनेता पल शाहको अभिनय छ ।
रामजी लामिछानेको कोरियोग्राफी रहेको गीतमा सौरभ लामाको छायांकन छ । यो चलचित्रको निर्माण तथा निर्देशन सुदर्शन थापाले गरेका हुन् ।
