ब्युटी न्युज नेपाल
काठमाडौं,०६ फागुन
मजदुरहरुको पीडा समेटेर तयार पारिएको चलचित्र ‘धुलो’ फिल्मको ट्रेलर आएको छ । यो चलचित्र फिल्म १६ फागुनमा प्रदर्शन हुदैछ । मँगलबार राजधानीमा पत्रकारबी यो चलचित्रको ट्रेलर सार्वजनिक गरिएको हो । यो चलचित्रको ट्रेलरले राजधानीमा ठेला–रिक्सा चलाएर गुजारा गर्ने मजदुरको वास्तवीक जीवनशैली, सपना, संघर्ष र अबस्था दर्शएको छ ।
संचारकर्मी प्रद्युम्न मिश्रले यो चलचित्रको निर्देशन गरेको हुन् । उनको योे डेब्यु निर्देशन हो । मिश्र नेपाल टेलिभिजनमा बरिष्ट क्यामेरापर्सनका रुपमा कार्यरत छन् ।
‘धुलो’ मा बुद्धि तामाङ,अग्रज केसी, सृजना सुब्बा, प्रद्युम्न मिश्र,दामोदर गजुरेल,अमृता पाण्डे, बालकलाकार सुदीप कार्कीलगायतका कलाकार मुख्य भूमिका छन् । यस्तै कलाकार नीर शाह, सुसील पोखरेल तथा लक्ष्मी बर्देवालाई बिशेष भूमिकामा देख्न पाईने छ ।
चलचित्र निर्माता संघका अध्यक्ष आकाश अधिकारीको प्रमुख आथित्यतामा सम्पन्न ट्रेलर सार्वजनीक कार्यक्रममा निर्देशक मिश्रले ‘धुलो’ वास्तविक जिन्दगी र घटनाहरुबाट प्रेरित भएको बताए । उनले लामो समयको संचार र फिल्मकर्मको अनुभव ‘धुलो’ मा लगाएको बताए ।
अभिनेता बुद्धि तामाङले ‘धुलो’ काल्पनीक नभइ यथार्थ जीवनका कथामा बुनीएको बताए भने अभिनेत्री सृजना सुब्बाले दर्शकले यो फिल्ममा आफूलाई महसुस गर्न पाउने दावी गरिन् । ‘धुलो’का संगीतकार जुगल डंगोलले यसको सँगीत पनि त्यत्तिकै ससक्त छ भने ।
निर्माता संघका अध्यक्ष अधिकारीले आफूले केही समयअघिनै ‘धुलो’ हेरिसकेको बताउदै फिल्म राम्रो बिषयबस्तुमा निर्माण भएकाले सफलता प्राप्त गर्नेमा बिश्वस्त रहेको सुनाए ।
उनले यो फिल्मले कलात्मक पाटोलाई सजिव ढंगले प्रस्तुत गरेकाले सबैलाई एकपट हेर्न अनुरोध गरे । कार्यक्रममा चलचित्र प्राबिधिक संघका अध्यक्ष पुस्कर लामाले पनि ट्रेलरको प्रसँसा गरे ।
गीतकार केशब मिश्र, गायक युवराज चौलागाई, प्रस्तुतकर्ता दीपा धरेल, लेखक सुवाससिंह बस्न्यात र प्रोजेक्ट एडभाइजर सिके वाग्लेले फिल्मले दर्शकको मन जित्ने बिश्वास ब्यक्त गरे ।
दीपा धरेलको प्रस्तुति रहेको फिल्मको निर्मातामा लक्ष्मी गौतम र नानीराम फुँयाल छन् । केशब मिश्र र दीपक समीरको गीत रहेको ‘धुलो’ रबिन आचार्यले खिचेका हुन् । अर्जुन जिसीको सम्पादन रहेको फिल्मको गीतमा शंकर थापा र जुगल डंगोलको संगीत, कबिराज गहतराज र रामजी लामीछानेको कोरियोग्राफी छ ।
