ब्युटी न्युज नेपाल
काठमाडौं, १९ माघ
पछिल्लो समय सौगात मल्ललाई भ्याई नभ्याई छ । एकपछि अर्को गर्दै उनका चलचित्रहरु बजारमा आईरहेका छन र बहुसँख्यक सिनेमा असफल हुने क्रम जारी छ ।
यसै क्रममा उनले नयाँ चलचित्र ‘मन्त्र’मा काम गरेका छन् । यो चलचित्रको रिलिजको लक्ष्यम सहित फर्स्टलुक्स (पोस्टर( सार्बजनिक गरिएको छ ।
सार्बजनिक फर्स्टलुक सौगातमात्र छन् । पोस्टरमा अरु कुनै पनि कलाकारलाइ स्थान दिइएको छैन । चलचित्रले हिमाली भेगको प्रेम कथा प्रस्तुत गर्नेछ ।
मुभी र्याकको ब्यानरमा निर्माण भएको चलचित्रको निर्माता मनोज राजभण्डारी हुन् । खिल बहादुर गुरुङको निर्देशनमा तयार भएको चलचित्र ‘मन्त्र’लभ स्टोरी जनराको चलचित्र हो । यो चलचित्रमा सौगात मल्ल, बुद्दि तामाङ, दिया पुन, नमिता घिसिङ, बीरबहादुर लामाको मुख्य भूमिका रहेको छ ।
देबेन्द्र मानन्धर कार्यकारी निर्माता रहेको ‘मन्त्र’मा रविराज कार्की, सुरेश कार्की बिर बहादुर लामा र सुभ श्रेष्ठ सह निर्मातामा रहेका छन् । यो चलचित्रमा शम्भुजित बास्कोटा र सन्तोष सुनारको संगीत रहेको छ । संजय लामाले छायांकन गरेको यो चलचित्रलाइ मित्र डि.गुरुङले सम्पादन गरेका छन् । चलचित्रको प्रदर्शन मिति सार्बजनिक गरिएको छैन ।
