ब्युटी न्युज नेपाल
काठमाडौं, ३ असोज
नयाँ चलचित्र ‘माया पिरिम’ले आफ्नो रिलिज मिति आगामी २० मंसिरलाई रोजेको छ । रिलिज मिति तय गर्दै यो चलचित्रको युनिटले फिल्मको फस्ट लुक्सको रुपमा दुई ओटा पोष्टर रिलिज गरेको छ ।
पोस्टरमा चलचित्रका अभिनेता कोशिस क्षत्री र अभिनेत्री अञ्जली अधिकारीलाई विशेष महत्व दिईएको छ । यी दुईलाई एउटा पोष्टरमा समेटिएको छ भने अर्कोमा यी दुई सहित बाँकी चार कलाकारलाई पनि स्थान दिईएको छ ।
यो चलचित्रमा कोशिस क्षत्री, सलोन बस्नेत, अन्जली अधिकारी, किरण चन्द, अर्जुन गुरुङ, कालु राना, जयनन्द लामा, अरुणा कार्की, अनुपमा भण्डारी, विशाल पहाडी, टेक पौरखी राई, सागर बस्नेत लगायतका कलाकारको मुख्य भूमिका रहेको छ ।
नामले नै माया पिरिमको कथा जस्तो लाग्ने चलचित्र प्रेम कथामै आधारित रहेको छ । टेक पौरखी राईको निर्देशनमा बनेको चलचित्रको कथा सबिन अधिकारीले लेखेका हुन् । प्रविन थापा र सबिन अधिकारीको निर्माणमा बनेको चलचित्रमा सागर बस्नेत र कोषराज दाहाल कार्यकारी निर्मातामा रहेका छन्। माया पिरिममा मोहन मरासैनी र युवराज दाहाल सह निर्मातामा रहेका छन् ।
निरज कंडेलले छायांकन गरेको चलचित्रलाइ जीवन थापाले सम्पादन गरेका छन् । चलचित्रमा श्री श्रेष्ठको द्वन्द निर्देशन, कोशिश क्षत्रीको संगीत, शिशिर खातीको कोरियोग्राफी रहेको छ ।
