ब्युटी न्युज नेपाल
काठमाडौं, १४ भदौ
यो वर्षको हरितालिका तीजको अबसर पारेर मुलुकका ८० भन्दा बढी सिनेमाहलमा रिलिज गरिएको चलचित्र ‘मारुनी’ले शनिबार बिहानैबाट दर्शकको राम्रो साथ पाएको छ । यो फिल्मले शुक्रबा मध्यम व्यापार गरेको थियो । शनिबार यो फिल्म काठमाडौंका धेरै जसो हलमा बिहान र मध्यान्नको शो हाउसफुल भएको छ । सिँगल थिएटरमा फिल्मले अझ राम्रो दर्शक र सफलता पाएको यसको निर्माता पुनम क्षत्री गौतमले बताएकी छिन् ।
यसै क्रममा चलचित्र मारुनी शुक्रबार बेलुका अभिनेता अनमोल केसीले हेरेका छन् । आफ्ना बुबा भुवन केससँग काठमाडौको छाया सेन्टरमा अनमोलले मारुनी हेरे । यो विशेष शोमा अनमोलसँगै अरु सिनेर्मी र सेलिब्रेटी पनि थिए ।
अभिनेता अनमोलले आफुलाई मारुनी मन परेको बताएका छन् । सिनेमाको स्कृप्ट निकै प्रभावशाली भएको र पुष्प, साम्राज्ञीको काम आफुलाई साह्रै मन परेको पनि उनले बताए । यी अभिनेताले निर्देशक नवल नेपालको कामको खुलेर प्रसँसा गरे ।
यो चलचित्रलाई नवल नेपाल निर्देशन गरेका हुन् । फिल्मकी निर्माता पूनम क्षत्री गौतम हुन्,‘फिल्मले बिस्तारै राम्रो पिकअप लिएको छ । आज शनिबार बिहानको शो प्राय सबैठाउँमा हाउसफुल छ । तीजसम्म फिल्मले राम्रो पिकअप लिनेमा हामी विश्वस्त छौं र दर्शकको राम्रो प्रतिक्रियाले हामी उत्साहित छौं ।’ निर्माता गौतमले व्युटी न्युज नेपालसँग भनिन् ।
