सन्तोषको चाइनाको रेल…को कोभर भिडियो प्रतियोगिता

ब्युटी न्युज नेपाल
काठमाडौं, २७ फागुन

गायक सन्तोष लामाले नयाँ गीत ‘चाइनाको रेल…’ दर्शकमाझ ल्याएका छन् । दोश्रो ‘नेपाली तारा’ बन्न सफल लामाको यो गीतलाई कृष्ण केसीले लेखेका हुन् । जसमा हरि लम्सालको संगीत छ ।

सन्तोषले यसपटक डान्सिङ शैलीमा गीत गायका छन् । उनको यो गीतमा हाँस्य कलाकार सन्दिप क्षत्रीले मोडलिङ गरेका छन् । गीतको भिडियोमा गायिका इन्दिरा जोशी, मुस्कान रानी, गायक सन्तोष लामा र क्रिस्टल क्लज ग्रुपको नृत्य छ ।

यता यो भिडियोको कभर भिडियो तयार पार्ने व्यक्ति वा समुहमध्येबाट उत्कृष्टलाई नगद १ लाख ११ हजार १ सय ११ रुपैयाँ पुरस्कारको समेत घोषणा गरिएको छ । यस्तै, उत्कृष्ट टिक टक भिडियो बनाउनेलाई २२ हजार रुपैयाँको समेत घोषणा गरिएको छ ।

गायक कृष्ण केसीको यसअगाडि ‘आफ्नो मन…, नजाउ टाढा…, लुकीछुपी…, कसले सुरुवात…’ जस्ता गीत बजारमा आइसकेका छन् । भिडियोलाई केही रमाइलो र केही फरक सोचका साथ तयार पारिएको छ ।

सन्देशजंग रानाको सम्पादन रहेको भिडियोमा सुसन प्रजापतिको छायांकन, क्रिस्टल क्लजको कोरियोग्राफी छ । भिडियोलाई संदिप क्षत्री र सन्देश जंग रानाले निर्देशन गरेका हुन् । अनिल केसी भिडियोका प्रस्तुतकर्ता हुन् ।

भिडियो लिँग ः

https://www.youtube.com/watch?v=sif3Ztoz8Io