ब्युटी न्युज नेपाल
काठमाडौं, १५ माघ
कार्टुन क्रुले नृत्य गरेको अर्को नयाँ भिडियो यतीबेला युट्युव नेपाल ट्रेन्डिङमा चौथो स्थानमा छ ।
गायक सुन्दर भिकेटी र गायिका मेलिना राइको स्वर रहेको गीत मास्टर प्लानले यो सफलता पाएको हो ।
कार्टुन क्रु फिचर्ड भएको नयाँ म्युजिक भिडियोलाई दर्शकले त्यत्तिकै रुचाएका छन् । खेमराज थापाको शब्द तथा शंकर थापा ‘स्माइल’ को संगीत र उदयराज पौडेलको एरेन्ज रहेको सार्वजनिक ‘मास्टर प्लान’ बोलको गीत नृत्य प्रधान छ ।
गायक भिकेटीको एक गीत क्यालेन्डरले एक करोड भ्यु पाइसकेको छ । यो सार्वजनिक गीतबाट पनि निकै आशावादी रहेका छन । ज्ञानेन्द्र शर्माले छायांकन गरेको भिडियोलाइ लाक्पा डि लामाले सम्पादन गरेका हुन् भने बिकाश ज्ञवालीले कलर करेक्सन गरेका छन् । भिडियोमा कन्सेप्ट तथा निर्देशन कार्टुन क्रु कै सरोज अधिकारीले गरेका छन् ।
