ब्युटी न्युज नेपाल
काठमाडौं २१ पुष
गायक विश्व नेपालीले आफ्नो नयाँ गीत कवि देवकोटा… को भिडियो दर्शक तथा श्रोतामाझ ल्याएका छन् । ‘मीठो साह्रै मीठो…’ गीतको सफलतापछि गायक नेपालीले द नेक्स्ट ग्रुपसँगको पुनः सहकार्यमा यो नया गीतको भिडियो ल्याएका हुन् ।
कवि देवकोटा… गीतमा गायक नेपालीलाई गायिका सुजाता उपाध्यायले स्वरमा साथ दिएकी छिन् । गीतकार एक नारायण भण्डारीले लेखेको यो गीतमा आशिष अविरलको संगीत छ । अविरलले नै यो गीतलाई संगीत संयोजन गरेका हुन् ।
भिडियोमा प्रदीप लामा तथा सुजना पौडेलको कोरियोग्राफी छ । बिजया बानियाँ तथा योगेश कार्कीले भिडियोमा सहायक कोरियोग्राफी गरेका छन् । सिरुजल इभर तथा ल्याक्स तामाङद्वारा छायाँकन गरिएको भिडियोमा सिरुजल इभरको सम्पादन छ ।
अष्टेलियामा छायाँकन गरिएको यो गीतको भिडियोलाई प्रदीप लामाले निर्देशन गरेका हुन् । भिडियोमा द नेक्स्टका कलाकारका साथै गायक नेपालीले पनि अभिनय गरेका छन् ।
