व्युटी न्युज नेपाल
काठमाडौं, १४ जेठ
संगीतकार संघ नेपालको शनिबार काठमाडौंमा सम्पन्न आठौं वार्षिक साधारण सभा तथा अधिवेशनबाट संगीतकार शान्तिराम राई दुई वर्षकालागि अध्यक्षमा चयन भएका छन् ।
उनी अध्यक्षमा निर्विरोध चयन भएका हुन् । नव निर्वाचित अध्यक्ष राईको नेतृत्वमा संघको ११ सदस्यीय केन्द्रिय कार्यसमिति चयन भएको छ । नयाँ कार्यसमितिको उपाध्यक्षमा सुनिल मास्के, महेश खड्का, चेतन सापकोटा, महासचिवमा पारस मुकारुङ, सचिवमा बसन्त सापकोटा र कोषाध्यक्षमा हरि लम्साल चयन भएका छन् ।
यस्तै संघको केन्द्रिय सदस्यमा सो सभाबाट मिलन मोक्तान, शशी रावल, राजेश थापा र जेम्स प्रधान चयन भएका छन् ।
संघको संरक्षकमा नेपाल संगीत तथा नाट्य प्रज्ञा प्रतिष्ठानका उपकुलपति शम्भुजीत बासकोटालाई मनोनयन गरिएको छ । संघका यस अघिका अध्यक्ष लक्ष्मण शेष निवर्तमान अध्यक्षसँगै संरक्षकका रुपमा रहेका छन् ।
