ब्युटी न्युज नेपाल
काठमाडौँ, ३१ साउन
बहुप्रतिभाशाली गायक थुमन शर्माको स्वरमा रहेको मर्मस्पर्शी गीत ‘तिम्रो याद’को भिडियो सार्वजनिक गरिएको छ। लामो समयदेखि प्रतीक्षामा रहेको गीतले प्रेम, सम्झना र विछोडका भावनालाई प्रस्तुत गरेको छ।
गीतमा थुमन शर्माकै शब्द र शिवराज गौतमको संगीत रहेको छ। गीतको एरेन्ज, मिक्सिङ तथा मास्टरिङ रुबिन मगरले गरेका हुन्।
मर्मस्पर्शी प्रेमकथामा आधारित भिडियोको निर्देशन शिवराज गौतमले गरेका छन्। भिडियोमा रोजन सुन्दास र सुनिता कालिकोटेले मुख्य भूमिकामा अभिनय गरेका छन्। प्रेम सम्बन्धमा आउने उतारचढाव, सम्झना र विछोडलाई भिडियोमा कलात्मक ढंगले प्रस्तुत गरिएको छ।
भिडियोमा रिता रणपैलीको मेकअप, जोन किराँतीको छायांकन तथा पदम सुबेदीको सम्पादन र कलरिङ रहेको छ। लामो समयपछि सार्वजनिक भएको ‘तिम्रो याद’ले दर्शक–श्रोताबाट सकारात्मक प्रतिक्रिया पाउने निर्माण टिमको विश्वास छ।
