ब्युटी न्युज नेपाल
काठमाडौं, ११ पुस
आगामी बैशाखमा रिलिजको घोषणा गरिएको नेपाली चलचित्र ’ऊनको स्वीटर’को नयाँ गीत ’मखमली’ को भिडियो बिहीबार सार्वजनिक गरिएको छ । यो गीत कौडा/चुट्का लयमा आधारित छ ।
चलचित्रका अभिनेता विपिन कार्की र अभिनेत्री मिरुना मगरबीचको प्रेम सम्बन्धलाई यसमा प्रस्तुत गरिएको छ । गीतको भिडियोमा अभिनेता विल्सन बिक्रम राईलाई रोचक भूमिकामा राखिएको छ ।
गीतमा सुजन चापागाईँ र सुनिता थेगिमको स्वर रहेको छ । गीतलाई हर्क साउदले लेखेका हुन् । यसमा संगीत सुजनकै रहेको छ ।
आगामी २६ वैशाखमा रिलिज हुने भनिएको यो चलचित्रमा विपिन कार्की, मिरुना मगर, सुनिल पोखरेल, माओत्से गुरुङ, विल्सन विक्रम राई, प्रेम सुब्बा, एलेक्स पारस, परीक्षा लिम्बु, सुरज तमू, शारदा देवी सिलवाल, भावना खपाङ्गी मगरलगायतको अभिनय रहेको छ । यो चलचित्रलाई नवीन चौहानले निर्देशन गरेका हुन् ।
यो चलचित्रमा कोरियोग्राफी रोशन बि.क. र दीप गुरुङको रहेको छ । ऊनको स्वीटरको सिनेमाटोग्राफी चिन्तन राजभण्डारीले र कृष्ण भण्डारीले गरेका छन् ।
