ब्युटी न्युज नेपाल
काठमाडौं, १० पुस
गायक सविन सुवेदी र गायिका समीक्षा अधिकारीको स्वरमा नयाँ गीत कुन देवको सृष्टी हौ…को भिडियो सार्वजनिक भएको छ । यो गीतलाई मोडल भुवन लोहनीले लेखेका हुन् । गीतमा बसन्त सापकोटाको संगीत रहेको छ ।
गीतको भिडियोलाई कृपा फाउन्डेसनको अफिसियल च्यानलबाट सार्वजनिक गरिएको छ । क्रिशमस २०२४ को अवसर पारेर बुधबार यो गीतको भिडियो सार्वजनिक गरिएको गीतकार भुवनले बताएका छन् ।
यो गीतलाई डोरेमी स्टुडियोमा भानुभक्त ढकालले रेकर्डिङ गरेको गरेका हुन् । गीतलाई श्याम बागदासले मिक्सिङ तथा मास्टरिङ गरेका हुन् । यो आधुनिक गीत प्रेम भावमा तयार गरिएको छ । गीतको भाव अनुसारकै यसको भिडियो तयार गरिएको छ । यो गीतमा मोडल भुवन लोहनी र उषा उप्रेतीको अभिनय रहेको छ । केही वर्ष यताबाट अमेरिकामा बस्दै आएका लोहनीले आधा दर्जन भन्दा बढी भिडियोमा मोडलिङ गरिसकेका छन् । मोडल भुवनको अघिल्लो महिना बाबा आमा गीतको भिडियो रिलिज भएको थियो् भने लगत्तै उनकै अभिनयमा यो नयाँ गीतको भिडियो सार्वजनिक भएको हो ।
भिडियोमा भुवन र उषाको जोडी सुहाएको छ । उनीहरु बीचको प्रेम सम्बन्धलाई भिडियोमा कथानक रुपमा प्रस्तुत गरिएको छ । कुन देवको सृष्टी हौ…को भिडियोलाई मौसम हिमालीले निर्देशन गरेका हुन् । भिडियोमा कोरियोग्राफी पनि मौसमकै रहेको छ । नवराज उप्रेतीले खिचेको यो गीतको भिडियोमा सम्पादन तथा रंग संयोजन मनोज कार्कीको रहेको छ ।
