ब्युटी न्युज नेपाल
काठमाडौं, २३ मंसिर
गायक शिव परियारको स्वरमा नयाँ गीत तिमीलाई अझै धर्म लाग्छ…को भिडियो रिलिज भएको छ । यो वियोगान्त भावको गीत रहेको छ ।
गीतको भिडियोलाई जी. एम. दिपु दिपेन्द्र युटुव च्यानलमा रिलिज गरिएको छ । गीतमा जी. एम. दिपु दिपेन्द्रको शब्द, राजकुमार बगरको संगीत तथा मिक्सिङ र मास्टरिङ रहेको छ ।
गीतको भिडियोमा अभिनेत्री आश्मा गिरि र मोडल अनुप जंग थापा (विचित्र )को अभिनय रहेको छ ।
आश्मा र अनुपलाई अभिनयमा लिजन बराईली र श्रीजन सुनारले बाल कलाकारका रुपमा साथ दिएका छन । प्रेमी बीच माया प्रेम र शंकाले जीवनमा पर्ने उतार चढावलाई समेटेर गीतको भिडियो बनाईएको छ । गीत निकैनै मर्मस्पर्शी रहेको छ ।
संचारकर्मी त्रिसा केसीको निर्देशनमा बनेको यो गीतको भिडियोमा मुकुश हुमागाँई र टिमको छायांकन, मिन रावलको सम्पादन तथा कलरिङ रहेको छ ।
