ब्युटी न्युज नेपाल
काठमाडौं, २० मंसिर
गायक नारायण थापाले आफ्नो स्वरमा नयाँ गीत परिणाम नखोज…को भिडियो दर्शकमाझ ल्याएका छन् । उनले यो गीतको भिडियोलाई आभुषण इन्टरटेनमेन्ट युट्युव च्यानलबाट सार्वजनिक गरेका हुन् ।
यो गीतलाई दिनेश राज पुरीले लेखेका हुन् । गीतमा संगीत पनि गायक नारायणकै रहेको छ ।
गीतलाई मेलोडी नेपाल रेकर्डिङ स्टुडियोमा रेकर्ड गरिएको हो । यसलाई बिप्लभ अधिकारीले मिक्सििङ तथा मास्टरिङ गरेका हुन् । यो गीतलाई पुष्कर सुनुवारको संगीत संयोजन गरेका हुन् ।
गायक नारायण थापाले यो सुन्ने गीत भएकाले यसको लिरिकल भिडियो बनाएर सार्वजनिक गरेको बताएका छन् । गीतको भाव बारे उनले भने,‘मानिसहरुले एकले अर्कालाई दाँजेर पारिणाम खोजने गर्छन । यस्तो परिणाम प्राप्त नुहँदा कहिलेकाही मानिसलाई दुःखी बन्ने भएकाले परिणाम नखोज भनेर यो गीत ल्याएको हुँ ।’
