ब्युटी न्युज नेपाल
काठमाडौं, ११ असोज
गायिका शुशिला बस्नेत तिमिल्सिनाले आफ्नो स्वरमा नयाँ गीत ‘तिम्रो मायाको छहारीमा…’को भिडियो सार्वजनिक गरेकी छिन् । तिम्रो मायाको छयारीमा गीतलाई गायिका सुशिलाकै अफिसियल युट्यूव च्यानलमार्फत सार्वजनिक गरिएको हो ।
यो गीतलाई प्रतिमा लामिछानेले लेखेकी हुन् । जसमा प्रभुराज ढकालको संगीत, मनोहर सुनामको संगीत संयोजन र हेश्वरमान राजभण्डारीको मिक्सिङ तथा माष्टरिङ छ ।
भिडियोमा पशुपति श्रेष्ठ, बद्री श्रेष्ठ, सुमन पी मैनालीको छायांकन एवं सम्पादन छ । सानैदेखि गीत संगीतमा लगाव राख्नुहुने शुुशिला पछिल्लो समय अमेरिकाको बोस्टनमा बस्दै आएकी छिन् । विदेशमा रहेपनि उनी नेपाली गीत संगीतमा क्रियाशिल छिन् ।
गीतमा आफूले मन पराएको मान्छेको छहारीमा जिउन चाहने आशय व्यक्त गरिएको छ । आफ्नो प्यारो मान्छेको हृदयको धडकन बन्न चाह यसमा व्यक्त गरिएको छ । शब्दहरू प्रेमिल छन् भने संगीत पनि कर्णप्रिय छ ।
