ब्युटी न्युज नेपाल
काठमाडौं, १६ भदौ
अग्रज गीतकार हरिभक्त बुढाथोकीले आफ्नो नयाँ गीत ‘तिम्रै नाम जप्न पाऔ…’को भिडियो दर्शकमाझ सार्वजनिक गरेका छन् । गीतमा टेक विसी र जुनु गौतमको स्वर, भीम बिसीको संगीत र कुमार रानाको मिक्सिङ र माष्टरिङ रहेको छ ।
यो गीतको भिडियोमा टेक विसी र रस्मिता तामाङको अभिनय रहेको छ । गीत आफूले माया गरेको प्रेमिलाई समर्पित गरिएको छ । ‘सधैंभरि यसैगरी तिम्रै हुन पाउँ । मरि गए यो जीवन तिम्रै नाम गर्न पाउँ’ गीतमा भनिएको छ । विक्रम चौहानले यसलाई निर्देशन एवं कोरियोग्राफी गरेका हुन् ।
गीत जति राम्रो छ गीतको भिडियो पनि उत्कृष्ट बनेको छ । प्रकाश खड्का र टिमको छायांकन रहेको भिडियोलाई बि(स्टार फिल्मसले सम्पादन गरेको हो ।
