ब्युटी न्युज नेपाल
काठमाडौं, १ असार
गायक भूपेश तिम्सिनाले आफ्नो नयाँ गीत धेरै कोशिस…को भिडियो सार्वजनिक गरेका छन् । भूपेशकै शब्द, संगीत, र स्वर रहेको गीतको भिडियोलाई युट्युव च्यानलबाट सार्वजनिक गरिएको छ ।
निशान घिमिरेको निर्देशन रहेको गीतको भिडियोमा स्मरिका ढकाल र सुरेश कोहलीलाई फिचरिङ गरिएको छ । उत्तम हुमागाईंको छायांकन रहेको भिडियोमा सञ्जय अधिकारीको सम्पादन छ । गीतको भिडियोमा आफूले माया गर्ने मान्छेप्रतिको समर्पण भाव व्यक्त गरिएको छ । गीतको अडियो र भिडियो दुवै सशक्त छ ।
गीतको भिडियो भूपेशको अफिसियल युट्युब च्यानलमार्फत सार्वजनिक गरिएको हो । लामो समयदेखि अमेरिका बसोवास गर्दै आउनुभएका तिम्सिनाले धेरै नेपाली गीत गाएका छन् भने केही हिन्दी गीतमा समेत स्वर दिएका छन् ।
