ब्युटी न्युज नेपाल
काठमाडौं, २७ चैत
गायक तथा युवा उधमीको रुपमा आफ्नो परिचय बनाएका आरोहण श्रेष्ठले आफ्नो शब्द रचना तथा गायनमा नयाँ गीत सपनाको घर…को भिडियो दर्शकमाझ ल्याएका छन् । यो गीतको म्युजिक भिडियो युट्युव च्यानलबाट सर्बजनिक गरिएको छ ।
जेनेसिस इभेन्टस प्रा. लि. को पहिलो प्रस्तुति रहेको नयाँ सपनाको घर…तयार गरिएको हो । सपनको घरमा बज्र क्रियशनका कोबिद बज्र र बिकेश बज्रको संगीत रहेको छ ।
यो गीतमा अभिनेत्री नम्रता सापकोटा तथा मोडल शिशिर शिवाकोटीको अभिनय रहेको छ । मँगलबार राजधानीमा आयोजित एक समारोहबीच यो गीतको भिडियो सार्वजनिक गरिएको हो ।
प्रेम कथामा आधारित यो गीतको भिडियोमा अभिनेत्री नम्रता र मोडल शिशिरको अभिनय आकर्षक छ ।
यो गीतको भिडियोलाई नारायण प्रधानले निर्देशन गरेका हुन । इलाम, झापा लगायतका स्थानमा छायांकन गरिएको म्युजिक भिडियोको छायांकन रोशन मर्हजन र अनिष तामाङ्गले गरेका हुन ।
