ब्युटी न्युज नेपाल
काठमाडौं, २६ मंसिर
गायिका लक्ष्मी परियार र गायक दीपक परियारको युगल स्वरमा नयाँ लोक दोहोरी गीत झुपडी…को भिडियो रिलिज भएको छ । गायिका लक्ष्मीकै अफिसियल युट्युव च्यानलबाट यो गीत रिलिज भएको हो । सँध्या केसीले लेखेको यो लोक दोहोरी गीतमा रामु खड्काको संगीत रहेको छ । खड्ग बाजुरालीले संगीत संयोजन गरेको यो गीतलाई सागर बाजुरालीले रेकर्ड गरेका हुन् ।
यस अघि लक्ष्मी र दीपकको स्वरमा एक वर्ष अघि निकै मार्मिक लोक दोहोरी गीत अतित बजारमा आएको थियो । सो गीतको सफलतापछि यी दुईले यतीबेला नयाँ गीत झुपडी दर्शकमाझ ल्याएका हुन् ।
यस्तै लक्ष्मी परियार पछिल्लो समय चर्चामा रहेकी गायिका हुन । विभिन्न लाईभ दोहोरी कार्यक्रममा प्रत्यक्ष गीत गाएर दर्शकको मन जित्न सफल भएपछि ब्यबसायिक गायनमा उत्रिएकी लक्ष्मीका जिन्नकी, फाटेको एकहर लुगा, मिर्मिरेको घाम जस्ता थुप्रै लोक दोहोरी भाकाहरु बजारमा आईसकेका छन् ।
यो गीत निकै कर्णप्रिय बनेको छ । गीत अनुसारको भिडियो पनि आकर्षका छ । यो गीतको भिडियोलाई निशान बानियाँले निर्देशन गरेका हुन् । जसमा प्रकाश खड्काको कोरियोग्राफी र नविन घर्तीमगरको सम्पादन छ ।
यो भिडियोमा अभिनेत्री सारिका केसी र मोडल मानव मगरले अभिनय गरेका छन् । उनीहरुलाई भिडियोमा एक अर्काप्रति समर्पित प्रेमी प्रेमिकाको रुपमा उतारिएको छ । भिडियोलाई पानस फिल्मले निर्माण गरेको हो ।
