ब्युटी न्युज नेपाल
काठमाडौं ४ भाद्र
यो वर्षको हरितालिका तीज नजिकिदै गर्दा लोकदोहोरी गायक कमल विसी ‘माल्दाई’ र गायिका प्रतिक्षा वाग्लेको स्वरमा नयाँ तीज गीत ‘झम्म झम्म साईली’ को भिडियो रिलिज भएको छ ।
नेत्र अर्यालको शब्द सृजना र गायक विसीकै लय सृजना रहेको गीतलाई भोलुम अनको अफिसियल युट्युब च्यानल मार्फत सार्वजानिक गरिएको हो । गीतको संगीत संयोजन महेन्द्र भण्डारीले गरेका हुन् ।
गीतको भिडियोमा दुई प्रेमी जोडीहरु एक अर्कालाई बयान गर्दै तीजमा सँग सँगै नाच्ने गाउने गरेको दृश्य देखाईएको छ । गीतको भिडियोमा समुन्द्र वाग्ले, लोसिना लामिछाने, प्रेम रसाईली, जसोदा कार्कीको अभिनय रहेको छ ।
गायिका प्रतिक्षा वाग्लेको प्रस्तुतिमा बजारमा आएको गीतको भिडियोमा क्रान्ति केसीको निर्देशन रहेको छ भने अजय रेग्मीको छाँयाकन रहेको छ ।
गायक विसी र गायिका वाग्लेले गरेका यस अघिका तीज गीतहरु पनि सफल भएका थिए । युवा व्यवसायी राजेन्द्र कुँवरको विशेष सहयोग तयार भएको हो ।
