ब्युटी न्युज नेपाल
काठमाडौं, १४ साउन
गायिका जुनु गौतमले आउँदै गरेको तीज पर्वलाई लक्षित गरेर नयाँ तीज गीत ’तीज आयो बरिलै…’को भिडियो सार्वजनिक गरेकी छिन् । गीतमा शब्द तथा संगीत नविन श्रेष्ठको छ भने एरेञ्जको काम सुन्दर लामाले गरेका छन् । यो गीतको भिडियोलाई हाम्रो स्वाभिमानले निर्माण गरेको हो ।
यो गीतमा तीजलाई चेलिबेटी मेलमिलाप र हर्षको पर्वको रुपमा गायिकाले चर्चा गरेकी छिन् । चेलीहरूको माइती प्रेम र भगवान शिवको आराधना समेट्दै खुशी साट्न भोलि पर्खिने होइन आजै रमाउनुपर्छ भन्ने कुरा गीतले भनेको छ ।
यो गीतको भिडियोमा अभिनेत्री तथा मोडल सुष्मा अधिकारी र गायिका जुनुले आकर्षक नृत्य गरेका छन् । भिडियोमा तारा थापा ’किम्भे’को सम्पादन, शिव ढकालको छायाँकन, कमल राईको कोरियोग्राफी र विनोद विष्टको निर्देशन रहेको छ ।
