ब्युटी न्युज नेपाल
काठमाडौं, १४ साउन
गीतकार तथा गायिका गायत्री थापाको नयाँ तीज गीत ‘सर्दी लाग्छ नरुझ पानीमा’ सार्वजनिक भएको छ । लोकशैलीमा तयार गीतमा रामजी खाँड र शान्तीश्री परियारको स्वर रहेको छ । गीत यतिबेल चर्चामा छ । गीतमा प्रेमी प्रेमीकाले एक अर्काेको चिन्ता गर्दै भरिमा नरुझ भनेका छन् । राजस सुनामको संगीत तथा एरेन्ज रहेको गीतको भिडियो रिलिज गरिएको छ ।
भिडियोमा गायक रामजी खाँड र मोडल जुना सुन्दासको अभिनय छ । थुप्रै कोरस समेत प्रयोग गरिएको भिडियोको निर्देशन तथा कोरियोग्राफी जेरी भण्डारीले गरेकी हुन् ।
करण चैसिरको छायाँकन, नविन घर्तीमगरको सम्पादन रहेको भिडियो शिव दर्शन फिल्मस्ले निर्माण गरेको हो । गीतदर्शक श्रोताको रोजाइमा पर्ने विश्वास गीतकार गायत्री थापाको रहेको छ ।
