ब्युटी न्युज नेपाल
काठमाडौं, ३१ असोज
अघिल्लो साता मात्र नयाँ म्युजिक भिडियोमा प्रस्तुत भएकी अभिनेत्री साम्राज्ञी राज्यलक्ष्मी शाह यतीबेला फेरी अर्को म्युजिक भिडियो मार्फत दर्शकमाझ आएकी छिन् । चलचित्रको काम नभएको बेला उनी म्युजिक भिडियोमा आकर्षित भएकी हनु् । उनले बोल्ड दृष्य दिएको प्रभाव बोलको गीतको म्युजिक भिडियो पछिल्लो पटक सार्वजनिक भएको छ । भिडियोमा साम्राज्ञीको साथमा विवेक खड्काको रोमान्स देख्न सकिन्छ । उनले निकै महँगो पारिश्रमिक लिएर यो भिडियोमा अभिनय गरेको बताईएका छ ।
प्रकाश विक्रम थापामा शब्द, संगीत र स्वर रहेको उक्त गीतमा संगीत निर्माण र रेकर्डिङ सुरज शर्माको रहेको छ । शेखरराज खशजुको निर्देशनमा यो भिडियो तयार भएको हो । इन्डोर दृष्यलाई प्राथमिकता दिएको भिडियोमा सुशन मगरको छायाँकन, प्रविण श्रेष्ठको सम्पादन रहेको छ । प्रकाश विक्रम थापा भिडियोका निर्माता हुन् ।
