ब्युटी न्युज नेपाल
काठमाडौं, १२ भदौ
पछिल्लो समयको व्यस्त युवा संगीतकार तथा गायक राजेन्द्र बजगाईंले आधुनिक सुविधा सम्पन्न रेकर्डिङ स्टुडियो ‘म्युजिक किचन’ सुरु गरेका छन् । काठमाडौंको अनामनगर स्थित बिग मार्ट नजिक रहेको म्युजिक किचनको हास्यव्यँग्य अभिनेता तथा सामाजिक अभियान्तद्धय सिताराम कट्टेल (धुमुर्स), कुन्जना घिमिरे (सुन्तली) ले उद्घाटन गरेका छन् ।
धुमुर्स सुन्तलीले निर्माण निर्देशक गरेको चलचित्र ‘म त मर्छुकी क्याहो’ को गीत बजाएर तथा केट काटेर यी दम्पत्तीले म्युजिक किचनको शुभारम्भ गरेका हुन् । म्युजिक किचनलाई संगीतकार तथा एरेन्जर राजेन्द्र बजगाईँसँगै गीतकार लोकराज अधिकारी, भिडियो निर्देशक प्रकाश धितालले तथा टिमले यो स्टुडियो सञ्चालनमा ल्याएका हुन् ।
यो स्टुडियोमा गीत लेखन, संगीत सृजना, संगीत संयोजना, गीत रेकर्डिङदेखि, म्युजिक भिडियो निर्माण देखि सम्पूर्ण सेवा आफुहरुले प्रदान गर्ने संगीतकार राजेन्द्र बजगाईंले उद्घाटन समारोहमा बताए । हास्यब्यँग्य अभिनेता सिताराम कट्टेलले आफ्नो चलचित्र म त मर्छुकी क्या होकी ए मेरो परान…गीत पनि म्युजिक किचनमा तयार गरेको र यहाँको रेकर्डिङ गुणस्तरयुक्त भएको बताए ।
यस्तै हास्य अभिनेत्री कुन्जनाले पनि राम्रो र गुणस्तर युक्त गीत र भिडियोको लागि म्युजिक किचन अहिलेको उपयुक्त ठाउँ भएकाले आफुहरुले सँगीत सम्बन्धि कामहरु म्युजिक किचनबाटै गर्ने बताईन् । आफ्नो चलचित्र म त मर्छुकी क्या हो यो हो मूभिबाट रिलिज भएको बताउँदै यो हो भूमिको एप्स डाउनलोड गरेर आफ्नो फिल्म हेर्न पनि अनुरोध गरिन् ।
गीतकार शान्ति प्रिय, डब्बु क्षत्री, डि आर राई, गायक तथा संगीतकार सरोज कोईराला, भुवन प्यासीले पनि आफुले पछिल्लो समय म्युजिक किचनमै गीतहरु रेकर्ड गर्दै आएको बताए । म्युजिक किचन र राजेन्द्रको टिमलाई शुभकामना दिँदै उनीहरुले यो स्टुडियो र टिमले उत्कृष्ट सेवा दिने गरेको बताए ।
