ब्युटी न्युज नेपाल
काठमाडौं, ११ चैत
गीत लेखनमा सक्रिय पत्रकार सविता पोखरेलले आफ्नो रचनामा नयाँ गीत ‘ढाँटे मरिजाम’को भिडियो दर्शकमाझ ल्याएकी छिन् । उनको यो गीतमा गायिका मन्जु उपासना र गायक एचबी सुनारको स्वर रहेको छ । मञ्जरी म्यूजिकको यूट्यूबबाट सार्वजनिक भएको यस गीतमा संगीत सिर्जना गायक एचबी सुनारकै रहेको छ भने सुदीप सागरले संगीत संयोजन गरेका हुन् ।
भिडियोमा मोडल सुधीर श्रेष्ठ र मोडल अन्जु सुनारको अभिनय रहेको छ । कपिल कार्कीको निर्देशनमा यो गीतको म्यूजिक भिडियोलाई बालकुमार मगरले छायाँकन तथा सम्पादन गरेका छन् । भिडियोको कोरियोग्राफी भने सुनिल कुमार मगरको रहेको छ ।
गायनमा पाइला चाल्दै गर्दा आफ्नै संगीत स्कुल खोलेर नृत्य र गायनको कक्षाहरु दिँदै आएका गायिका मन्जु उपासना र एचीबी सुनारको स्वरमा धेरै गीतहरु बजारमा आइसकेका छन् । उनीहरुको स्वर रहेको गीत दिइसके यो जोवान, चोरी चोरी जस्ता धेरै गीत रहेका छन् ।
