ब्युटी न्युज नेपाल
पुस १६, काठमाडौं
गायक प्रताप दास र गायिका रजिना रिमालको स्वरमा नयाँ गीत ‘सृजनाकी श्रेष्ट तिमी’ को भिडियो दर्शकमाझ आएको छ । बिहीबार राजधानीको पाना क्याफेमा एक कार्यक्रमका बिच सार्वजनिक गरिएको यो गीतमा रिमेश कुमारले संगीत सृजना गरेका छन् । जसमा प्रदीप थुलुङको शब्द रहेको छ ।
यो गीतको भिडियोमा गायक तथा सर्जक प्रकाश सपुतसँगै प्रदीप अधिकारी र प्रमिला क्षत्रीले अभिनय गरेका छन् । भिडियो बिक्रम चौहानले निर्देशन गरेको यो भिडियोको निर्माता रमेश शाही हुन् ।
भिडियो सार्वजनिक कार्यक्रममा बोल्दै कलाकार प्रकाश सपुतले आफूले लोकशैलीको गीतमा अभिनय गरेको तर अहिले फरक गीतमा अभिनय गर्न पाउँदा खुसी लागेको बताए । उनले गीत मन परेरै भिडियोमा काम गर्न तयार भएको हो भने । संगीतकार रिमेशले प्रकाशलाई अफर गरेका थिए ।
भिडियोका निर्माता रमेशले कतिपय कलाकारहरुले गीतमा काम गरिसकेपछि प्रमोशनमा साथ नदिएको भन्दै गुनासो पोखे । उनले आगामी दिनमा पनि अन्य गीत बजारमा ल्याउने तयारी भइरहेको जानकारी गराए ।
