ब्युटी न्युज नेपाल
काठमाडौं, १४ बैशाख
यही ३ जेठबाट रिलिज हुने फिल्म जात्रै जात्राको ट्रेलरलाई दर्शकले निकै रुचाएका छन् । यसको ट्रेलर रिलिज भएका २४ घन्टामा करिब पाँच लाखले हेरेका छन् । ट्रेलर शुक्रबार दिउँसो रिलिज भएको हो । ट्रेलरमा दर्शकको अधिकाँस सकरात्मक प्रतिक्रिया रहेको छ ।
प्रदीप भट्टराईले निर्देशन गरेको जात्रै जात्रा अघिल्लो फिल्म जात्राको सिक्वेल हो । जात्राको सफलतापछि जात्रै जात्रा निर्माण गरेका हुन् । जात्रै जात्रा फिल्म सुनको तस्करीमा केन्द्रित छ । चलचित्रको कथा हास्यप्रधानसँगै रोचक भएको निर्देशक भट्टराईले बताएका छन् ।
गत वर्ष अबैध रुपमा नेपाल भित्रिएर पनि हराएको ३३ किलो सुन कान्ड अझै सेलाएको छैन । त्यो सुन कहाँ गयो भन्ने कौतुहलता जनमानसमा अझै छ । ३३ किलो सुनको चर्चा केही ओझेलमा परेको बेला यही सुन प्रकरणलाई मुख्य कथा बनाएर जात्रै जात्रा तयार गरिएको छ ।
ट्रेलरमा खुलाईएको कथा अनुसार तस्करले लुखाएको त्यो सुन फिल्मका तीन मुख्य पात्रले भेट्छन् । यिनीहरुले त्यो सुनलाई माटोमा गाढेर आफुहरु सामान्य रुपमा बस्छन् । त्यही सुनाको खोजी र सुन भेटाउनेहरुको भोग्नु परेको पीडालाई ट्रेलरमा समेटिएको छ । जात्रामा नोट काण्डमा जेल गएका ती पात्र जेलबाट निक्लेर सुनको कारोबारमा लागेको जात्रै जात्रामा देखाईएको छ ।
चलचित्र जात्रै जात्राको मुख्य भूमिकामा विपिन कार्की, दयाहाङ राई, वर्षा राउत, रविन्द झा, रविन्द्र सिंह बानियाँ, प्रकाश घिमिरे, राजाराम पौडेल सहित मुख्य भूमिका छ ।
