ब्युटी न्युज नेपाल
काठमाडौं, २९ फागुन
नेपालको प्रतिनिधित्व गर्दै मोडल मुना गौचन इजिप्टमा आयोजना हुने अन्तराष्ट्रिय सौन्दर्य प्रतियोगिता ‘मिस इको इन्टरनेशनल २०१९’मा भाग लिन बुधबार त्यता लागेकी छिन् ।
६० देशका इको सुन्दरीहरुको सहभागीता रहने प्रतियोगिताका लागि गौचनलाई ग्रीन आर्ट मिडियाले पठाएको हो । गौचन नेपालको पाँचौ सहभागी हुन् ।
यस अगाडी प्रतियोगिता प्रिन्शा श्रेष्ठ, नग्मा श्रेष्ठ, रोनाली अमात्य र गतबर्ष मौनता लामाले भाग लिएका थिए । तर कसैले पनि ताज ल्याउन नसकेको अबस्थामा अब आशा गौचनमा टिकेको छ ।
नेपाललाई अन्तराष्ट्रिय स्तरमा चिनाउन मिस इको राम्रो प्लेटफर्म भएको इजिप्ट जानु अघि गौचनले बताइन् । ‘नेपाली ड्रेस र देशमा रहेको सांस्कृतिक र प्रर्यटकिय स्थानको पहिचान सहितको डकुमेन्ट्री लिएर आफु प्रतियोगितामा सहभागी हुन लागेको हो’ उनले भनिन् ।
प्रतियोगिताको शिर्ष उपाधि नेपाल भित्र्याउने बिश्वासका साथ गौचनलाई आफुले इजिप्ट पठाएको ग्रीन आर्ट मिडियाकी निर्देशक अनिला श्रेष्ठले जानकारी दिइन् । ‘आवश्यक बिभिन्न प्रशिक्षण सहित गौचन त्यस तर्फ उडेकी हुन्’ श्रेष्ठले थपिन् ।
