ब्युटी न्युज नेपाल
काठमाडौं २८ फागुन
गीतकार अर्जुन रत्न भिकारीले आफ्नो एकल शब्द रचना रहेको गीतिसँग्रह ‘पञ्चामृत’ श्रोतामाझ आएको छ । संगीतकार सुनिल मास्केको एकल संगीतमा तयार भएको एल्बमलाई राजधानीमा एक कार्यक्रम बीच अग्रज सँगीतकार शम्भुजीत बासकोटा, गीतकार यादव खरेल, गायक दीप श्रेष्ठले एकसाथ विमोचन गरे ।
पाँच गीतसंग्रहित यो एल्बम दर्शक तथा श्रोताको लागि पञ्चामृत सावित हुने विस्वास यससँग जोडिएको सर्जकको छ । ‘मैले गत वर्ष देखि रचना गरेको शब्दलाई गीतको रुप दिएको हु’ गीतकार अर्जुनले भने । सुनिलले पनि अर्जुनको शब्द राम्रो भएकाले नै एकल कम्पोजमा एल्बम गर्न सहमत भएको बताए ।
यसमा पाँच गीत संग्रहित छन् । जसमा धनले होइन मनले… , जवानीको ऐना हजुर…, परैदेखि…, मन मनै त हो…, तिम्रा ति झुटा…गीत रहेका छन् । गीतलाई क्रमश सुरज थापा, मेलिना राई, सुरेश लामा, प्रमोद खरेल र स्वरूपराज आचार्यले स्वर दिएका छन् । एल्बमलाई भाइबस क्रिएसनको तर्फबाट पर्शुराम रिजालले बजार ब्यबस्थापन गरेका छन् ।
