जलजला परियारले ल्याईन भाग्य यस्तै

ब्युटी न्युज नेपाल
काठमाडौं, १० फागुन

‘नेपाली तारा’को सिजन–३ बाट चर्चामा आएकी गायिका जलजला परियारले नयाँ गीत दर्शक श्रोतामाझ ल्याएकी छिन् । उनीसँगै गायक क्रिस पिकेको समेत स्वर रहेको यो गीतमा बाध्यताले विदेशिने नेपाली युवाको कथा समेटिएको छ ।

निर्प प्रमोद जोशीको शब्द रहेको गीतमा म्यूजिक र एरेन्ज विशाल निरौलाको छ । ‘हामीकहाँ विदेशिनु बहुसंख्यक नेपालीको बाध्यता हो । यही कटु यथार्थलाई हामीले गीतमार्फत भन्न खोजेका हौँ । आशा छ, दर्शकले स्वीकार्नुहुनेछ,’ गीतका संगीतकार विशाल निरौलाले भने ।

अलंकार डिजिटल स्टुडियोमा रेकर्ड गरिएको गीतमा लोकदोहोरी क्षेत्रकी व्यस्त मोडल अञ्जली अधिकारीले अभिनय गरेकी छिन् । उनलाई अभिनयमा कुमार श्रीले साथ दिएका छन् । गीतको भिडियो निर्देशन सिर्जन बरालले गरेका हुन् ।

https://www.youtube.com/watch?v=Fo_Lrhw7P9I