ब्युटी न्युज नेपाल
काठमाडौं २३ माघ
अग्रज ब्युटिसियन तथा ब्युटी न्युज नेपालकी सल्लाहकार सुलोचना श्रेष्ठ ब्युटिसियन क्षेत्रबाट नेपाल भारत युथ एक्चेन्ज कार्यक्रम २०१९ मा चयन भएकी छिन् । उनी यो कार्यक्रमका लागि भारत प्रस्थान गरेकी छिन् ।
युवा तथा खेलकुद मन्त्रालयले हजारौं युवा ब्यबसायीबाट उत्कृष्ट १० युवा ब्यबसायी यो एक्चेन्ज कार्यक्रमका लागि चयन गरेकोमा ब्युटिसियन क्षेत्रबाट रविना ब्युटी पार्लर एन्ड ट्रेनिङ सेन्टर मिनभवन र पेप्सिकोलाकी अध्यक्ष सुलोचना श्रेष्ठ चयन भएकी हुन् ।
नेपालको ब्युटिसियनको अबस्था, यो ब्यबसायको स्थिति, ब्युटी ब्यबसायको विकास, विस्तार, ब्युटिसियनहरुको ससक्तिकरण लगायत विभिन्न बिचारहरु भारतका विभिन्न सहरमा हुने एक्चेन्ज कार्यक्रममा सुलोचनाले राख्ने छिन् । जसका लागि आफ्ना सहकर्मी प्रतिनिधि टोलीहरुसँग सुलोचना बुधबार भारततर्फ लागेकी छिन् ।
यो एक साताको यात्रा तथा एक्चेन्ज कार्यक्रममा दिल्ली, मुम्बई, आग्रा लगायतका सहरमा हुने विभिन्न सेमिनारमा आफुले आफ्नो क्षेत्रको बारेमा जानकारी गराउने सुलोचनाले भारत प्रस्थान गर्नु अघि ब्युटी न्युज नेपाललाई जानकारी गराईन् ।
नेपाल भारतका युवा उधमीबीच हुने युथ एक्चेन्ज कार्यक्रममा दुबै देशका युवाहरुले आफ्नो र आफ्नो देशको उधमशिलताबारे अनुभव आदन प्रदान गर्ने र यो आदन प्रदानले दुबै पक्षलाई फाइदा पुग्ने पनि सुलोचनाले बताएकी छिन् ।
सो क्रममा आफुले नेपालबाट दशौं हजार ब्युटिसियनको तर्फबाट बिचार राख्ने पनि उनले जानकारी गराईन् ।
