ब्युटी न्युज नेपाल
काठमाडौं, १३ माघ
यही १८ माघबाट देशव्यापी सिनेमा हलमा प्रदर्शन हुने चलचित्र ‘रणवीर’को तेस्रो गीत माया मा…को भिडियो आईतबार अपरान्ह रिलिज गरिएको छ । यस अघि रिलिज गरिएको नृत्य प्रधान गीत तिरिमिरी तिरिमिरी तीन तारा…, वियोगप्रधान गीत मान्न चाहन्न…ले राम्रो चर्चा पाएपछि तेस्रो गीत माया मा…को भिडियो रिलिज गरिएको हो ।
भिडियोमा अभिनेता सुशिल सिटौला र अभिनेत्री शुभेच्क्षा खड्काको प्रेमभाव समेटिएको छ । पोखरा र धम्पुसमा छायाँकन गरिएको यो गीतको भिडियो ओएसआर डिजिटलबाट रिलिज गरिएको हो । गीतको दृष्यमा पोखराका सुन्दर स्थानलाई कैद गरिएको छ ।
यो गीतको दृष्यले रणवीरका मुख्य पात्र रणवीर र उनकी प्रेमिका प्रिया वीचको प्रेमसम्बन्ध बुझाउने यसका निर्देशक गोविन्द सिंह भण्डारीले जानकारी गराएका छन् । यो भिडियोको कोरियोग्राफी गम्भिर बिष्टले गरेका हुन् ।
माया मा…गीतलाई हर्कुलस बस्नेत र प्रविशा अधिकारीले गाएका छन् । यो गीतको शब्द र संगीत पनि हर्कुलसकै हो । द्धन्द्धप्रधान प्रेमकथामा आधारित यो चलचित्रमा सुशिल र शुभेच्क्षासँगै प्रशान्त ताम्राकार, सुपुष्पा भट्ट, भोलाराज सापकोटा, टिका पहारी, हरिहर शर्मा, नरेश पौडेल, सैलेश्वरी सिंह, जीवन भट्टराई, जगदिश रिजाल, बसन्ती भट्टसहितको अभिनय छ ।
यस अघि चलचित्र गाजा बाजा निर्माण गरिसकेका गोमा बिष्ट थापा र दीपेन्द्र रेग्मीले चलचित्र रणवीर सँयुक्त निर्माण गरेका हुन् । यो चलचित्रमा महेश पौडेलको छायाँकन, गम्भिर बिष्ट, सुरेन्द्र बसेल र रामजी लामिछानेको नृत्य निर्देशक, राजनराज शिवाकोटी, हर्कुलस बस्नेतको संगीत, कृष्ण भण्डारीको सम्पादन छ ।
सुशिल–शुभेच्क्षा रमाईलो कुराकानी :
