ब्युटी न्युज नेपाल
काठमाडौं, १२ माघ
गायिका मिलन नेवारले आफ्नो चौँथो गीतिसँग्रह ‘मिलन यात्रा’ श्रोतामाझ ल्याएकी छिन् । उनको पाचौँ गीतिसँग्रहमा समावेश हुने गीत मन रेशम… को भिडियो पनि उनले ल्याएकी छिन् ।
शुक्रबारसाँझ काठमाडौंमा एक समारोहबीच गृहमन्त्री राम बहादुर थापा ’बादल’, वरिष्ठ गायक दिप श्रेष्ठ, वरिष्ठ गीतकार राजेन्द्र थापा, संगीतकार शक्ति बल्लभ, गायिका मिलनका माता पिता लगायतले उनको यो गीतिसँग्रह बिमोचन गरे । बिमोचित गीतिसँग्रहमा सात गीत समावेश छन् जसमा योगेन्द्रमणी दाहालको एकल शब्द र राजु सिंहको एकल संगीत रहेको छ ।
सोही कार्यक्रम मार्फत उनले ‘सिङ्गिङ फर सोसाइटी’ भन्ने उदेश्य सहित ‘मिलन च्यारिटी फाउण्डेसन’को सुरुवात गरेकी छिन् । आफ्नो साङ्गितिक प्रस्तुती र सामाग्रीबाट आउने रकमको केही अंश समाज सेवामा खर्चने उदेश्य उनले लिएकी छिन् । सोही अनुसार प्रारम्भिक चरणमा मिलनले आफ्नो सहायता ’शहिद स्मृति आवासिय माध्यमिक विद्यालय’ इटहरीमा केन्द्रित गर्ने छिन् । कार्यक्रममा मिलनले अब आफु अमात्यबाट नेवार भएको पनि घोषणा गरिन् ।
सार्वजनिक भिडियोमा गायिका मिलन नेवारसँगै गायक कमल खत्रीको स्वर रहेको छ । भिडियोमा अभिनय समेत उनिहरुले नै गरेका छन् । हरी हुमागाईको छायांकन रहेको भिडियोलाई सम्पादन गरेका हुन् भने निर्देशन राजेश पुमा राईको रहेको छ ।
