ब्युटी न्युज नेपाल
काठमाडौं ३ पुष
गायिका रेखा शाहले नयाँ गीतको भिडियो श्रोता दर्शकमाझ ल्याएकी छिन् । दीपक शर्माको रचना र संगीतमा रहेको गीत सुई तमी कर्नाली पारि छौ, म त वारि चुँड्या छ तुइनु… श्रोता दशर्कमाझ ल्याएकी हुन् ।
गीतमा सुदूर पश्चिमको जनजीवनको झल्को छ सुदूर पश्चिमको जनजीवनको लवज, संस्कृति र जीवन भोगाइको दुखलाई यो गीतमा समेटिएको छ । संगीत पनि सुदुर पश्चिमकै शैलीको छ ।
गीतलाई लिएर गायिका शाह निकै उत्साहित छिन् ! भन्छिन्,‘सइं तमी गीतबाट म निकै आशावादी छु । सांगीतिक जीवनको २५ वर्षमा फेरि अर्को कालजयी गीत गाउने मौका पाएँ ।’ उनले भनिन्,‘ सिमसिमे पानीमा गीतजस्तै चर्चित र सबैको प्रिय हुन्छ भन्नेमा म निकै आशावादी छु ।’
गीतमा संगीत संयोजन गोपाल रसाइलीको रहेको छ । गीतको म्युजिक भिडियो नितिन चन्दको निर्देशनमा बनेको छ । गौरव पहारी र मेनुका प्रधानले गीतमा अभिनय गरेका छन् ।
सिमसिमे पानीमा…, नजिक छौ तिमी…, तिमीलाई केही हुँदै नहोस…, पोखूँ भने…लगायत चर्चित गीत र आधा दर्जन जति गीत एल्वम प्रकाशन गरेकी गायिका शाहले यो गीतको म्युजिक भिडियो आफ्नै युट्युव च्यानलबाट सार्वजनिक गरेकी हुन् ।
