ब्युटी न्युज नेपाल
काठमाडौं २८ मंसिर
चलचित्र ‘बुलबुल’को टिजर शुक्रबार अपरान्ह युट्युव मार्फत सार्वजनिक गरिएको छ । स्वस्तिमा खडकालाई टेम्पो ड्राईभरको भूमिकामा अभिनय गराइएको टिजरमा देखाईएको छ । एक यात्री (नव अभिनेता मुकुन भुषाल)ले टेम्पोमा झुन्डिने क्रममा बाहिर टाउको निकाल्दा ट्राफिकले टेम्पो चालकको लाईसेन्स खोसेको प्रसँगबाट यी दुई बीच सम्बाद सुरु हुन्छ । त्यही बिषयमा स्वस्तिमा र मुकुनबीच भएको सम्बादलाई टिजरमा समेटिएको छ ।
बुलबुलको टिजरमा एउटै दृष्यबाट सिनेमाको मुख्य चरित्रलाई प्रस्ट पार्न खोजिएको छ । यही दृष्यबाट यी दुईको सम्बन्ध स्थापित हुने अनुमान गर्न सकिन्छ ।
आगामी ३ फागुन प्रणय दिवसका दिन यो सिनेमालाई रिलिज गरिने यसका निर्देशक बिनोद पौडेलले जानकारी गराएका छन् । यो चलचित्रमा स्वस्ति र मुकुनसँगै, बुद्धि तामाङ ,दिपक क्षत्री, लक्ष्मी बर्देवा, एलिना कार्की, जोयश पाण्डे, उज्जल अधिकारी, सृष्टि भट्टराईसहितको अभिनय छ । फिल्मको आलेक निर्देशक पौडेल आफैंले तयार पारेका हुन् ।
अबिरल थापाले निर्माण गरेको यो चलचित्रका कार्यकारी निर्माता रामराजा दाहाल हुन् । जसमा सुसन प्रजापतिको छायाँकन, कोसिस क्षत्री र उदगम परियारको संगीत निश्चल बस्नेत र रजिना रिमालको स्वरमा गीत रहेको छ ।
४५ दिन अघि बाटोमा कलाकारलाई नचाएर खुद्रा खाद्री…गीत रिलिज गरिएको थियो । १० लाख भन्दा बढी पटक युट्युवमा हेरिएको यो गीतले विस्तारै चर्चा पाउन थालेको छ ।
