व्युटी न्युज नेपाल
काठमाडौं १३ कात्तिक
१६ कात्तिक शुक्रबारबाट देशव्यापी सिनेमा हलमा रिलिज हुने चलचित्र चँगा चेटको गीत गोजीमा दाम छैन…लाई युट्युवमा ठुलो सफलता मिलेको छ । यो गीतलाई डेढ करोड भन्दा बढी पटक दर्शकले हेरिसकेका छन् ।
यही क्रममा निर्माण पक्षले मँगलबार काठमाडौंमा केक काटेर खुसी साटेको छ । चलचित्रकी अभिनेत्री सुरक्षा पन्त, पारमिता राज्यलक्ष्मी राणा, निर्देशक दीपेन्द्र के खनाल, निर्माता माधव वाग्ले, शर्मिला पाण्डे, गीतकार हरिहर तिमिल्सिना, संगीतकार राजनराज शिवाकोटी लगायतको सहभागितामा केक काटिएको थियो ।
हेर्नुस भिडियाे ः
निर्देशक दीपेन्द्र के खनालले गीत साह्रै मिठो बनेकै कारण दर्शकले यती धेरै रुचाएको बताए । गीतमा भनिए अनुसार तीन जना पात्र पैसाको वरपरी घुम्दा आउने समस्यामा फिल्म केन्द्रित रहेको पनि दीपेन्द्रले खुलासा गरे । त्यसैले फिल्मको कथा अनुसारकै गीत बनेको पनि उनले बताए ।
गीत जस्तै फिल्म पनि राम्रो बनेकाले यसले निर्माताको गोजीमा दाम भर्ने ठट्यौली निर्माता माधव वाग्लेले सो कार्यक्रममा गरे । फिल्म हास्य प्रधान रहेको र यसमा पैसाको कथा रहेको पनि उनले प्रस्ट पारे ।
चँगा चेटमा आयुष्मान देशराज जोशी, प्रियंका कार्की, रबिन्द्र झा, सुरक्षा पन्त, संदीप क्षत्री, पारमिता राज्यलक्ष्मी राणालगायतको अभिनय छ । यो चलचित्रमा निश्चल बस्नेत, अर्पण थापा, बेनिशा हमाल, ऋचा शर्मालगायतका कलाकार विशेष भूमिकामा छन् ।
