व्युटी न्युज नेपाल
काठमाडौं ३० असार
बिगतका विभिन्न १६ ओटा सौन्दर्य प्रतियोगिताका बिजेता, बिजेतासहित ३४ जना मोडलहरु एउटै फेशन शोमा र्याम्पमा उत्रिएका छन् । सञ्चारकर्मी राजेन्द्र (राज) लुईटेलले उनीहरुलाई काठमाडौंमा शुक्रबार सम्पन्न ‘टाईटल विनर फेशन शो’मा उतारेका हुन् ।
शो मा भारतको मिस्टर वेष्ट वंगाल २०१३ अनुज शर्मालाई समेत उनले र्याम्पमा उतारे । अहिलेको मनसुनलाई लक्षित गरेर आयोजित फेशन शोको सञ्चालन आश्विनी झा र रोजिन शाक्यले गरेका थिए ।
द हिडेन ट्रेजरका अध्यक्ष एवं मिस नेपाल आयोजक गोपाल सुन्दर लाल कक्षपती प्रमुख आतिथि रहेको यो फेशन शोमा शो स्टपर्सको रुपमा अभिनेत्री संचिता लुईटेल र पूर्व मिस नेपाल उषा खड्की थिए ।
फेशन शोलाई कलाकारहरु जितु नेपाल, सुरेन्द्र केसी, महादेव त्रिपाठीले प्रहसनबाट रोचक बनाएका थिए । यस्तै यमन श्रेष्ठ, रिता केसीले कार्यक्रममा गीत प्रस्तुत गरेका थिए ।
कार्यक्रममा विभिन्न चार सिक्वेन्समा फेशनहरु प्रस्तुत गरिएको थियो । फेशन शोमा टिशर्ट राउण्ड, क्रियटिभ डिजाईन राउन्ड, क्याउअल राउन्ड, समर ड्रेस राउन्ड जस्ता विभिन्न सिक्वेन्समा फेशन प्रस्तुत गरियो ।
फेशन डिजाईनहरु ममता बस्नेत, जानुका राई, सुमित रजकले तयार गरेका पहिरनहरु फेशन शोको आकर्षक बनेको थियो । यो फेशन शोको स्वस्तिका लामा र संजयराज विक्रमले कोरियोग्राफी गरेका थिए ।
विभिन्न सौन्दर्य प्रतियोगिताको बिजेतालाई एकै थलोमा ल्याएर उनीहरुको र्याम्प प्रस्तुतिका लागि यो फेशन शो गरिएको आयोजक राज लुईटेलले बताए ।
