काठमाडौं, १४ बैशाख
बिगत डेढ दशकदेखि भक्तपुरमा ओम शान्ति व्युटी पार्लर एन्ड ट्रेनिङ इन्सिटिच्युट सञ्चालन गर्दै आएकी बरिष्ट व्युटिसियन मेनुका शिवाकोटी उप्रेतीले आफ्नो पार्लरको दोस्रो शाखाको रुपमा अर्को पार्लर खोलेकी छिन् । दोस्रो शाखाको रुपमा उनले भक्तपुरको सल्लाघारी स्थित तीनकुने नजिक ओम शान्ति व्युटी क्लिनिक एन्ड ट्रेनिङ इन्सिटिच्युट स्थापना गरेकी हुन् ।
लोटस् हर्वलका नेपाल प्रमुख तथा कन्ट्री म्यानेजर सुकान्त सरकारले यो नयाँ शाखाको रिबन काटेर उद्घाटन गरे । उद्घाटन अघि सिटिईभिटीका उप निर्देशक शैलेन्द्र आचार्यले पानसमा बत्ति बालेर यो पार्लरको शुभसाईत सम्पन्न गरेका थिए ।
ओम शान्ति व्युटी पार्लर एन्ड एन्ड ट्रेनिङ इन्सिटिच्युटको मुख्य शाखाले सेवा दिए जस्तै यो शाखाले पनि उत्कृष्ट सेवा दिने विश्वास कार्यक्रममा सहभागीहरुले व्यक्त गरे ।
अग्रज व्युटिसियन डा. राजश्री श्रेष्ठ, सुमित्रा रञ्जित, शुशिला गौतम चुडाल, सुलोचना श्रेष्ठ, सिता श्रेष्ठलगायतले नयाँ पार्लरको सफलताको कामना गरेका थिए ।
व्युटी, हेयर र स्किनका सम्पूर्ण सेवा सहित यो नयाँ शाखामा सौना बाथको सुविधा पनि रहेको व्युटिसियन मेनुका शिवाकोटी उप्रेतीले जानकारी गराईन् । यो पार्लरमा बेसिक देखि डिप्लोमासम्मको व्युटिसियन सम्बन्धि प्रशिक्षण दिईने पनि मेनुकाले जानकारी गराईन् ।
