ब्युटी न्युज नेपाल
काठमाडौँ, १९ चैत
रोज ब्युटी एकेडेमी र विलक्षण क्रियसन प्रा.लि.द्धारा आयोजित ‘एच्यु हेयर ओयल ब्युटिसिनय ट्यालेन्ट नेपाल २०२५’, सिजन ७ का प्रतियोगीहरूले ब्राईडल मेकअप प्रतिस्पर्धा गरेका छन् ।
काठमाडौँको त्रिपुरेश्वर स्थित डि भ्याली रेष्ट्रोमा आयोजना गरिएको ट्यालेन्ट राउन्डमा उनीहरुले उनीहरुले ब्राईडल मेकअप, जुरो, मेहन्दी आर्ट, नेल आर्ट जस्ता विविध कला प्रस्तुत गरेका हुन् ।
ट्यालेन्ट राउन्डको उद्घाटन पानसमा बत्ति बालेर गणेशमान सिंह बहु प्राविधिक शिक्षालयका प्रिन्सिपल डिएन पराजुलीले गरे । कार्यक्रमका प्रतिस्पर्धी सबैलाई उनले शुभकामना दिँदै यो प्रतियोगिताले ब्युटिसियनहरुको व्यक्तित्व विकाससँगै उनीहरूको प्रतिभा प्रस्तुति र समाजमा गएर आफूलाई सशक्त रूपमा उभ्याउन मद्दत पुग्दै आएको बताए ।
यसैबीच यो प्रतियोगिताको फाईनलको लागि १७ प्रतियोगी चयन भएका छन् । यिनै १७ जना बिच ट्यालेन्ट शोमा प्रतिस्पर्धा भएको हो । यो प्रतियोगितामा चयन भएका २२ प्रतियोगी मध्यबाट ट्यालेन्ट राउन्ड पछि फाइनल चरणमा १७ जना ब्युटिसियन प्रतियोगीहरू प्रवेश गरेका छन् ।
यसरी ग्रान्ड फिनालेमा प्रवेश गरेका १७ जना प्रतिस्पर्धीहरुमा निशा रजक, रोशनी पुजारी, रविना ठकुरी, रचना बज्राचार्य, सुमित्रा खवास, स्नेहा चौधरी, सुजिता अधिकारी, दुर्गा सुवेदी, सुजिता दयाल, निर्माला पौडेल, स्मृति सुब्बा, सपना रसाईली, अन्जनी चौधरी, मनसरा राई, सुनिशा शाक्य, स्वस्तिका बस्नेत र पुजा विश्वकर्मा बस्नेत रहेका छन् ।
ट्यालेन्ट राउन्डको निर्णायकमा ब्राडल मेकअप तर्फ ब्युटिसियनहरु गीता खनाल, उषा गुरुङ, कस्मोलोजिष्ट परिषी कारंजित, डेन्टिस्ट सागर जोशी, ब्युटिसियन ट्यालेन्ट नेपाल तेस्रो सिजनकी विजेता लिना डंगोल रहेका थिए । यस्तै ब्राइडल जुरोको निर्णायकमा ब्युटिसियन ट्यालेन्ट नेपाल हालकी विजेता शर्मिला बुढाथोकी, लायन नकुल गिरी, सुरेन्द्र गिरी र नेल तथा मेहन्दी आर्ट प्रतिस्पर्धाको निर्णायकमा नेल टेक्निसियन सुजन तिमिल्सिना र ब्युटिसिनय ट्यालेन्ट नेपाल सिजन ५ की विजेता मनिषा श्रेष्ठ थिईन् ।
ब्युटिसियन ट्यालेन्ट नेपालको ग्रान्ड फिनाले समारोह यही २८ चैतमा ललितपुरको च्यासल स्थित ज्यापु प्रज्ञा भवनमा हुने भएको छ । प्रतियोगिताको कोरियोग्राफी जयन सुब्बा मानन्धरले र संयोजन गायिका तथा पहिलो सिजनकी विजेता सरिता भारतीले गरिरहेका छन् ।
ब्युटिसियन ट्यालेन्ट नेपाल सिजन ७ को ट्यालेन्ट राउन्डको विजेताहरूको घोषणा सोही २८ चैतको ग्रान्ड फिनाले समारोहमा गरिने आयोजक रोज ब्युटी एकेडेमीकी अध्यक्ष सोनी कारंजितले जानकारी गराएकी छिन् ।
