ब्युटी न्युज नेपाल
काठमाडौँ, ११ चैत
बिराटनगरमा आईतबारबाट सुरु भएको नेकपा (एमाले) निकट पत्रकारहरुको संगठन प्रेस चौतारी नेपालको १० औँ अधिवेसन नयाँ कार्यसमिति चयन गर्दै सोमबार सकिएको छ ।
१०औँ महाधिवेशनले दैनिक नेपालका प्रधान सम्पादक एवम् पत्रकार गणेश पाण्डेलाई प्रेस चौतारीको अध्यक्षमा सर्वसम्मत चयन गरेको छ । अध्यक्षका अर्का दावेदार पत्रकार राजेश राई आफ्नो उम्मेदवारीबाट पछि हटेपछि गणेश पाण्डे सर्वसम्मत रुपमा अध्यक्षमा चयन भएका हुन् । चौतारीमा फर्किने अभियानको नेतृत्व गर्ने समाजवादी प्रेस संगठनका तत्कालीन अध्यक्ष विश्वमणि सुवेदीलाई वरिष्ठ नेता घोषणा गरिएको छ ।
यस्तै प्रेस चौतारीको महासचिव पद्मा हिरामान लामा फेरी पनि सर्वसम्मत रुपमा चयन भएका छन् । उनी यस अघि पनि महासचिव नै थिए । चौतारीको बाँकी पदाधिकारीतर्फ उपाध्यक्ष चेतन अधिकारी, महिला उपाध्यक्षमा कृपा भण्डारी र उपमहासचिवमा हरिबल्लभ नेपाल चयन भएका छन् । यसै गरी सचिवमा बिष्णु तारुके, प्रदिप आचार्य, विक्रम लुईटेल र नरेश भण्डारी चयन भएका छन् ।
नीति आयोगको उपाध्यक्ष नेपोलियन चेपाङ चयन हुँदा १२ जना केन्द्रीय सदस्य भए । केन्द्रीय सदस्य हुनेमा सविन शर्मा, हरिप्रसाद जोशी, शम्भुजित दाहाल, नरेन्द्र बिष्ट, शशि कोइराला, रोशनी कठेत, प्रेमचन्द्र झा, प्रवीण साह, रमेश सुवेदी, बख्तियार अली, शिवकुमार काशी रिजाल र विनोद लम्साल छन् । अफरोज अर्पण, बुद्धकुमार श्रेष्ठसहितले केन्द्रीय आयोगको सदस्यको जिम्मेवारी पाएका छन् ।
चयन भएका पदाधिकारी तथा सदस्यहरुको सूची यसप्रकार रहेको छ ।
