ब्युटी न्युज नेपाल
काठमाडौँ, २९ फागुन
फागु पूर्णिमाको अबसर पारेर अभिनेता सुशील श्रेष्ठको प्रभावशाली चलचित्र आउटलः दफा २१९ शुक्रबारबाट देशभरका चलचित्र घरमा रिलिज भएको छ । यो चलचित्रले शुक्रबार दिउँसोसम्म धेरै जसो हलमा ८० प्रतिसत भन्दा माथिको अकुपेन्सी पाएको छ । केही हलमा त हाउसफुल पनि भएके छ ।
दर्शकले अभिनेता सुशीलको एक्सनको गजबे तारिक गरेका छन् ।सुशीलले शरीरमा आयो लगाएर फाईट गरेको दृष्यमा दर्शकको व्यापक हुटिङ आएको छ । सुशीलको हरेक एक्सन सिनमा दर्शकले तालीले साथ दिईरहेका छन् । यो चलचित्रमा सुशील श्रेष्ठ, शिक्षा संग्रौला, नरेश पौडेललगायतका कलाकारहरूले शिर्ष भूमिका निर्वाह गरेका छन् ।
सेन्सरबाट पीजी सर्टिफिकेट पाएको यो चलचित्रलाई १६ वर्ष मूनिका दर्शकले अभिभावको साथमा हेरिरहेको पनि चलचित्र घरमा देख्न पाईइो । यो चलचित्र एक्सन प्रधान अपराध जनरामा आधारित छ । आउटलः दफा २१९ले मुलुकभर १३० भन्दा बढी सो पाएको वितरक पक्षले जनाएको छ । चलचित्रमा बिक्की महर्जनको लेखन तथा निर्देशन रहेको छ ।
चलचित्र आउटलः दफा २१९ नेपालसँगै जापान, कतारलगायत विभिन्न मध्यपूर्वी एशियाका देशमा पनि रिलिज हुँदै छ । यसका निर्माता अमित अग्रहरी हुन भने यसमा चुल्ठे काजीको द्वन्द्व निर्देशन, साहिल खानको सम्पादन रहेको छ ।
