ब्युटी न्युज नेपाल
काठमाडौँ, २ फागुन
प्रणय दिवसको अवसर परेर शुक्रवारबाट चलचित्र दुखी आत्मा मुलुकभरका चलचित्र घरमा रिलिज भएको छ । चलचित्रको बिहानको शोमा ८० प्रतिशत अक्युपेन्सी थियो भने बिहान ११ बजेबाट धेरै ठाउँमा हाउसफुल भएको हल सञ्चालकहरुले बताएका छन् । चलचित्र मुलुकका १०० भन्दा बढी पर्दामा रिलिज भएको छ । यो चलचित्रमा दयाहाङ राई, आँचल शर्मा, अनुप विक्रम शाही, वुद्दि तामाङ, पुष्कर गुरुङ, कविता आले, रेअर राई लगायतका कलाकारहरूको अभिनय छ ।
बिहीबार आयोजना भएको प्रिमियरमा गज्जब तर फरक प्रतिक्रिया पाएको थियो । धेरैले यो चलचित्रलाई एउटा फरक विषयमा बनेको चलचित्र भनेर प्रतिक्रिया दिए । निर्देशक दीपेन्द्र लामाले एउटा महत्त्वपूर्ण चलचित्र बनाएको प्रतिक्रिया प्रिमियरमा सुन्न पाईयो ।
दीपेन्द्र लामाको लेखन तथा निर्देशनमा तयार भएको यो फिल्ममा हिमाल कडरियाको निर्माण तथा सुदिप ढकालको कार्यकारी निर्माण रहेको छ ।
